Засгийн газрын шийдвэрийг яг одоо танилцуулж байна. Энэ үеэр Цахим хөгжил, харилцаа холбооны сайд Н.Учрал “И Монголиа системийн ачаалал 20 дахин нэмэгдсэн учир сервер унасан.
Тийм учраас өнгөрсөн өдрүүдэд Үндэсний дата нэмэлт төхөөрөмжүүдийг байршуулсан. Үүний үр дүнд e Монголиа систем хэвийн үйл ажиллагаанд шилжсэн. Цаашид төрийн байгууллагууд хоорондоо дата мэдээллээ хуваалцах асуудлыг шийдэж байна” гэв.
Н.Учрал Олон нийтийн сүлжээнд хүний эрхийг хамгаалах тухай хуулийн төсөл боловсруулж, өнөөдөр Буюу /2023.1.18/ өргөн барих гэж байна. Тэрээр уг хуулийн төсөл нь зөрчилтэй контентийг хязгаарлах зорилготой гэдгийг тодотгосон. Ингэхдээ фэйсбүүкийн хэрэглээг хаах тухай ойлголт огт байхгүй гэдгийг тодотгов.
УИХ-ын гишүүн Н.Учрал хэлэхдээ “Зарим УИХ-ын гишүүд Монгол Улсад фэйсбүүкийг хаах саналыг “Фэйсбүүк” компанид илэрхийлж байсан юм билээ. Гэвч Монгол Улс бол дэлхийн цээжинд байрлах ардчилсан улс гэдгээ хэзээ ч мартаж болохгүй.
Фэйсбүүкээр иргэд дуу хоолойгоо хүргэдэг. Албан байгууллагууд ажлаа хийж, фэйсбүүк группээр бүх мэдээгээ түгээж байна. Худалдаа наймаа эрхэлдэг иргэд лайв хийж байна. Энэ нь зарим айлын амжиргааны гол хэрэгсэл болж, Монголчуудын хэрэглээний салшгүй хэсэг болсон. Тэгэхээр Монгол Улс ардчиллаас ухарч болохгүй. Фэйсбүүкийг хаахгүй. Харин “Фэйсбүүк” компани манайд төлөөлөгчийн газар байгуулах хүсэлтийг бид тавьж байгаа. Үүний дараа хүний эрхийн зөрчилтэй контентийг цензурдэхэд илүү хялбар болно” гэлээ.
More Stories
Өчигдөр Урсгал сөрж баавартай зогссон МАШИН Унгарын ЭСЯ-ны автомашин байжээ
Эрдэнэс Тавантолгойн хувьцааг иргэдэд өгч, жил бүр хоёр сая ₮өгрөгийн ногдол ашиг иргэн бүрд өгнө
Юмжирдулам: Мянганбаяр намайг хатнаа болгох гэж багагүй гүйж байлаа..